رنا بدري سلوم:
كنت مفكّرة الوطن تياب
وقت الببرد بيدفيني
حدود ومرسومة ع كتاب
وكلمة “وطني” بتكفيني
***
كنت مفكرة الوطن تراب
كل حروبه ما بتعنيني
تاري بلدي محراب
توضا بدم
ونادا الحريّة… صلّيني
***
سوريا بجمّع حروفك
لقدّام الشهادة بتخجل
ويصرّخ طفل من خوفك
ع سجينة ومعتقل
***
مفكر يرجع بعد غياب
يلاقي كبرت ياسميني
وتفتحلو أمّه لبواب
يقلا هوا بلادي ييحييني
***
كنت مفكرة الوطن تراب
كل حروبه ما بتعنيني
تاري بلدي محراب
توضا بدم
ونادا الحريّة.. صلّيني